Bayden administrasiyası İranda saxlanılan 5 ABŞ vətəndaşının azad edilməsinə dair saziş çərçivəsində Tehranın 6 milyard dollarlıq aktivini azad etməyə razılaşıb...
Poliqon xəbər verir ki, bu barədə The Guardian yazır.
Bu razılaşma avqust ayında əldə edilmiş "beşə-beş məhbus mübadiləsi" razılaşmasının həyata keçirilməsi üçün zəruri addımdır: İran həbsxanasındakı beş ABŞ vətəndaşı üçün Amerika həbsxanasından beş İran vətəndaşı azad olunacaq.
Razılaşmanın şərtlərinə görə, İranın neft satışından əldə etdiyi və ABŞ-ın sanksiyaları səbəbindən Cənubi Koreya bank hesablarında dondurulmuş 6 milyard dollar Qətər bank hesabına yatırılacaq. Qətərə köçürüldükdən sonra bu vəsait İran tərəfindən ancaq dərmanların alınması kimi humanitar layihələr üçün istifadə edilə bilər.
Vəsaitlərin blokunun açılmasına dair razılaşmanı ötən cümə günü ABŞ dövlət katibi Antoni Blinken imzalayıb və bu barədə bazar ertəsi ABŞ Konqresinə məlumat verilib. İranda mübadilə üçün hazırlanan beş amerikalı artıq həbsxanadan ev dustaqlığına köçürülüb.
Poliqon.info