NATO-ya üzv ölkələrin əksəriyyətinin ÜDM-in 2%-lik müdafiə xərcləri hədəfinə çatmaq yolunda olduğunu elan etməyə hazırlaşır...
Poliqon xəbər verir ki, bu barədə Financial Times nəşri məlumat yayıb. Məlumatda qeyd edilir ki, 2024-cü ildə alyansdakı 31 ölkədən 18-nin bu məqsədə çatacağı gözlənilir. Həmçinin digər ölkələrin büdcələrinə düzəlişlər olunduqca onların sayı arta bilər.
Qeyd edək ki, 2014-cü ildə NATO ölkələri ÜDM-in ən azı 2%-ni müdafiəyə xərcləməyi öhdələrinə götürüblər. Bu vaxta qədər yalnız ABŞ, Böyük Britaniya, Yunanıstan və Estoniya müdafiəyə daha çox xərcləyirdi. 2023-cü ilə qədər xərcləri ÜDM-in ən azı 2%-ni təşkil edən ölkələrin sayı artaraq 11-ə çatıb.
ABŞ prezidentliyinə namizədlərdən biri Donald Tramp prezidentliyi dövründə digər NATO ölkələrini müdafiə xərclərinin aşağı olması səbəbindən onları müdafiə etməyəcəkləri ilə hədələyib. Daha sonra o, NATO üzvlərindən Ukraynaya ayrılan maliyyənin payını ABŞ səviyyəsinə çatdırmağı tələb edib.
Poliqon.info