"Bunun son hadisələrlə əlaqəsi yoxdur"
Bu sözləri modern.az-a açıqlamasında Sabunçudan Milli Məclisə deputat seçilən Eldar Quliyev deyib.
O qeyd edib ki, bu gün insidentdə ölənlər kənd sakinlərinin meyitləri veriləcək.
"Kənd sakinlərinə yaxınlarının meyitləri hələ verilməyib. Veriləndən sonra ancaq bu mərasimlə məşğul olacaqlar. Dünəndən əsas söhbətləri bu idi ki, meyitləri versinlər. İstintaqla əlaqədar olaraq onlar ekpertizadan keçirilir.
Deyiblər ki, guya meyitləri verəcəklər".
Deputat dünən Nardaranda işıqların kəsilməsinin son hadisə ilə əlaqədar olmadığını vurğulayıb.
"Dünəndən onların işığı kəsilib. Bunun isə son hadisə ilə əlaqəsi yoxdur. Bir neçə gün əvvəldən xəbardarlıq edilib ki, borclarını ödəsinlər. Onlar cəmi 2 faiz işıq pulu ödəyirlər, ondan artıq ödəmirlər. Ona görə də borcları yığışıb qalıb".
Qeyd edək ki, noyabrın 26-da Nardaranda polislə dindarlar arasında baş verən insident zamanı 2 polis əməkdaşı, 4 dindar ölüb.
"Müsəlman birliyi" hərəkatının sədri Tale Bağırzadə və onun bir neçə tərəfdarları isə həbs edilib.
pia.az