Ukrayna prezidenti Vladimir Zelenski bu qış Ukraynadakı münaqişəyə son qoymaq üçün qlobal sammit təşkil etməyi təklif edib...
PİA.az xəbər verir ki, bu barədə Britaniyanın İTV telekanalı məlumat yayıb.
Ukrayna prezidentinə görə, dünya çempionatı sübut etdi ki, müxtəlif ölkələr və xalqlar “odla oynamaqla deyil, ədalətli mübarizədə ən güclüləri ortaya çıxara bilərlər”.
Müharibədə çempion yoxdur, burada heç-heçə də ola bilməz”, deyə Zelenski bildirib.
Qeyd edək ki, bundan əvvəl Amerikanın CNN telekanalı Beynəlxalq Futbol Federasiyasının (FİFA) Zelenskinin Qətərdə keçiriləcək dünya çempionatının final matçının start fitindən əvvəl videomüraciət etmək istəyini rədd etdiyini bildirmişdi.
Ukrayna və Rusiya arasında sülh danışıqlarına toxunan Mərkəzi Kəşfiyyat İdarəsinin (MKİ) direktoru Uilyam Börns isə bildirib ki, Rusiya Ukraynadakı vəziyyətin sülh yolu ilə nizamlanması üzrə danışıqlara hazır deyil. “Bu səbəbdən də danışıqlar üçün heç bir platforma da yoxdur”, deyə MKİ rəhbəri bildirib.
pia.az