Yəhya Sinvar uzun sükutdan sonra HƏMAS-la əlaqə saxlayıb

Poliqon xəbər verir ki, bubarədə “Walla” portalı İsrail rəsmisinə istinadən məlumat yayıb. Əvvəllər uzun sürən səssizlik səbəbindən media Yəhya Sinvarın Qəzza zolağında öldürülə biləcəyini ehtimal edirdi. İsrail rəsmiləri bunu nə təsdiq, nə də təkzib edə bilməyəcəklərini bildirmişdilər.

“Walla” mənbəsinin bildirdiyinə görə, Sinvar son günlərdə Qətərdəki HƏMAS nümayəndələri ilə əlaqəni bərpa edib və onlara mesajlar çatdırıb. Mesajların dəqiq nə vaxt ötürüldüyü məlum deyil. Adı açıqlanmayan məmur iddia edir ki, onların məzmunu anklavdan girovların azad edilməsi ilə bağlı sövdələşməyə aiddir.

“Walla”nın İsrail təhlükəsizlik güclərindəki mənbələri qeyd edir ki, Yəhya Sinvar bir neçə həftədir ki, heç kimlə əlaqə saxlamayıb. O, Hizbullahın baş katibi Həsən Nəsrullahın öldürülməsinə də reaksiya verməyib. Portal yazır ki, Yəhya Sinvarın sükutu zamanı onun yoxa çıxması ilə bağlı çoxlu xəbərlər alıblar.

Qeyd edək ki, iyulun sonunda HƏMAS qrupun Siyasi Bürosunun rəhbəri İsmayıl Haniyənin İranın yeni prezidentinin andiçmə mərasimini ziyarət etmək üçün gəldiyi Tehrana hücum nəticəsində öldükdən sonra avqustun əvvəlində Yəhya Sinvar HƏMAS-ın yeni rəhbəri elan edilib. Sentyabrın sonunda İsrail mediası Sinvarın yoxa çıxması barədə məlumat yayıb.

Poliqon.info