Tramp ABŞ-da baş verən şiddətli qasırğa fonunda Ukraynaya 300 milyard dollara yaxın vəsaitin ayrılmasını kəskin pisləyib...
ABŞ-ın keçmiş prezidenti və Respublikaçılar Partiyasından dövlət başçısı vəzifəsinə namizəd Donald Tramp Vaşinqtonun ölkədə baş verən təbii fəlakət fonunda Kiyevə yardım üçün 300 milyard dollara yaxın vəsait ayırmasını tənqid edib.
Poliqon xəbər verir ki, bu barədə Amerikanın Fox News telekanalı məlumat yayıb.
Trampın sözlərinə görə, müharibə başlayandan bəri ABŞ Ukraynadakı müharibəyə təxminən 300 milyard dollar “sərmayə” qoyub və eyni zamanda, prezident Co Baydenin administrasiyası ən pis qasırğadan zərər çəkmiş amerikalılara fövqəladə ehtiyaclar üçün cəmi 750 dollar təklif edir.
Eks-prezident Ukraynaya yardımla bağlı qiymətləndirməsinin nəyə əsaslandığı barədə ətraflı məlumat verməyib.
Qeyd edək ki, sentyabrın 29-da ABŞ-ın keçmiş dövlət katibi Mayk Pompeo bildirib ki, Tramp prezident seçkilərində qalib gəlsə, Kiyev “yaxşı nəticə”yə əmin olacaq.
Sentyabrın 27-də Tramp və Zelenski arasında Nyu Yorkdakı “Trump Tower”də görüş baş tutub.
Poliqon.info