Xankəndi yaxınlığındakı yanacaqdoldurma məntəqələrndən birində güclü partlayış olub...
Azərbaycanın Qarabağ iqtisadi rayonunda, Xankəndi yaxınlığında yanacaq anbarının partlaması nəticəsində 20 nəfər ölüb, 290 nəfər yaralanıb.
“Report” xəbər verir ki, hadisə sentyabrın 25-də axşam saatlarında baş verib.
Məlumata görə, yaralılar Qarabağ bölgəsində, Rusiya sülhməramlılarının müvəqqəti yerləşdiyi Azərbaycan ərazisindəki tibb mərkəzinə və Ermənistandakı xəstəxanalara yerləşdirilib.
Bildirilib ki, ölənlərdən 13-nün meyiti tanınmaz haldadır.
***
Xankəndi baş verən partlayış nəticəsində ölənlərin sayı yüzü ötüb.
Poliqon musavat.com-a istinadən bildirir ki, yanacaq anbarında baş verən partlayışdan sonra 100-dən çox insanın həlak olub, çoxlu yaralıların olduğu bildirilir, lakin hələlik dəqiq rəqəmi müəyyən etmək mümkün deyil.
Qeyd olunur ki, insanların həyatını xilas etmək üçün zərərçəkənləri hava yolu ilə təxliyə etmək lazımdır.
***
Xankəndidə yanacaqdoldurma stansiyasında partlayışın bəzi detalları məlum olub.
APA xəbər verir ki, hadisə şahidlərinin sözlərinə görə stansiyada çox sayda sürücü olub.
Onlar öz avtomobilləri ilə Qarabağı tərk etmək üçün yanacaq almağa çalışıblar. Hadisə yerində çoxlu sayda yaralanan və ölən olduğu bildirilir.
***
Sosial şəbəkələrdə yayılan məlumata görə, təxminən 10 tonluq yanacaq çəni partlayıb.
Bildirilir ki, bu çənin yaxınlığında çox sayda insan olub.
Hadisə şahidlərinin sözlərinə görə, hazırda təcili yardım heyətləri yaralılara kömək edir. Zərərçəkənlərin sayının yüzdən artıq ola biləcəyi deyilir.
Poliqon.info
Digərxəbərlər
Populyar xəbərlər
