Venesuela lideri Nikolas Maduro assosiasiyaya qəbulla bağlı müsbət qərara ümid etdiyini bildirib...
Venesuela BRİKS-ə qoşulmaq üçün müraciət edib. Ölkə assosiasiyaya qəbulla bağlı qərarın müsbət olacağını gözləyir.
Poliqon xarici mətbiata əsasən xəbər verir ki, bunu Venesuela prezidenti Nikolas Maduro “Venezolana de Television” kanalının efirində deyib.
“Biz Braziliya, Rusiya, Hindistan, Çin və Cənubi Afrikadan müsbət cavab gözləyirik. İnanırıq ki, Venesuela gec-tez BRİKS-in üzvü olacaq”, Venesuela lideri bildirib.
Maduronun sözlərinə görə, BRİKS yeni dünyanın qurulmasında liderdir. O əlavə edib ki, təşkilat çoxqütblü dünyaya dinamik yol açır.
Xatırladaq ki, BRİKS sammiti avqustun 22-24-də Yohannesburqda keçiriləcək. Sammitdə BRİKS-ə qoşulmaq üçün bəzi ölkələrin təqdim etdiyi rəsmi müraciətlərə baxılacağı planlaşdırılır.
Poliqon.info