Ukraynanın Poltava şəhərində Novruz bayramı münasibətilə konsert təşkil olunub - Foto

Ukrayna Azərbaycanlıları Radasının Poltava vilayəti üzrə rəhbərliyi Novruz bayramı münasibəti ilə Poltava şəhərində konsert təşkil edib.

Bu barədə AYNA-ya Ukraynada yaşayan jurnalist İdrak Camalbəyli məlumat verib.

Bütün növ saytların yığılması - EMBLEM.AZ
Onun sözlərinə görə, vilayət üzrə radanın rəhbəri Fizuli Qəmbərov və icraçı katibi Sərxan Vidadioğlunun təşkilatçılığı ilə tədbirdə Azərbaycan mədəniyyəti ilə yanaşı, milli mətbəximiz də nümayiş etdirilib. Bayram şirniyyatlarından dadan qonaqlar məmnun qalıblar.

Konsertdən əvvəl rəsm sərgisi də təşkil olunub.

Qeyd edək ki, konsertdə diaspora nümayəndələri ilə yanaşı, Poltava, Krimunçuk və başqa şəhərlərdə yaşayan azərbaycanlılar da iştirak edib. Ukraynanın Xalq artisti Qurban Abbasovun rəhbərlik etdiyi müsuqi kollektivi və tanınmış teleaparıcı Nataliya Kudreşovanın da iştirak etdiyi konsertə ukraynalılar da böyük maraq göstəriblər.

Poliqon.info