Ukrayna ordusunda uzaq mənzilli pilotsuz təyyarələr ortaya çıxıb

Poliqon xəbər verir ki, bu barədə The Economist jurnalı məlumat yayıb. Nəşr yazır ki, Ukrayna silahlı qüvvələrinin arsenalında üç min kilometrə qədər uça bilən uzaq mənzilli pilotsuz təyyarələr peyda olub.

İddialara görə, Ukrayna onlarla şirkətin istehsal etdiyi uzaq hədəfləri axtarıb vura bilən PUA-lara yüz milyonlarla dollar sərmayə qoyub. Nəşr qeyd edir ki, yeni modellərin ən yaxşısı 3000 km güc ehtiyatına malikdir və Sibirə çatmağa qadirdir.

Bildirilir ki, belə pilotsuz təyyarələrin yaradılması proqramı zərurətdən həyata keçirilməyə başlayıb. Çünki Qərb Ukraynanı uzaqmənzilli silahlarla təmin etməkdən çəkinirdi.

Nəşr qeyd edir ki, belə PUA-larla, Ukrayna Rusiyanın neft və hərbi infrastrukturuna hücum edir, lakin Ağ Ev bundan narazıdır və Kiyevi hücumları dayandırmağa təşviq edir.

Məqalədə deyilir ki, Vaşinqtonun narahatlığı həm neftin qiymətinin artması, həm də Ukraynanın uduzan tərəf ola biləcəyi nəzarətsiz bir cəbhə xəttinin yaranması perspektivindən qaynaqlanır.

The Economist yazır ki, sonuncu ilə bağlı narahatlıqlar martın sonunda Rusiya Ukraynanın enerji infrastrukturuna milyonlarla dollar zərər vurduqda artıb, lakin indiyədək Ukrayna Amerikanın zərbələri dayandırmaq istəyinə məhəl qoymayıb.

İstehsalçı isə yaxın aylarda Ukraynanın dron proqramının genişləndiriləcəyini proqnozlaşdırır.

Xatırladaq ki, Ukrayna hər gün onlarla pilotsuz təyyarə ilə Rusiya bölgələrinə hücum edir, müxtəlif hədəfləri vurmağa çalışır. Çərşənbə axşamı, aprelin 2-də Tatarıstandakı müəssisələrə pilotsuz təyyarələr tərəfindən hücum edilib, 6 nəfər yaralanıb. Hədəflərdən biri Nijnekamskda neft emalı zavodu olub, zavodda yanğın baş verib.

Poliqon.info