Türkiyənin xarici işlər naziri Hakan Fidan ABŞ Dövlət Katibi Entoni Blinkenə deyib ki, ABŞ Fələstin-İsrail münaqişəsi ilə bağlı mövqeyi ilə hamını çətin vəziyyətə salır...
Poliqon xəbər verir ki, bu barədə Türkiyənin “Hürriyet” qəzeti yazır. Nəşrin məlumatına görə, Fidan noyabrın 6-da keçirdiyi görüşdə amerikalı həmkarına Türkiyənin mövqeyini çatdırıb, bu mövqeyə görə İsrail Qəzza zolağını bombalamaqla insanlığa qarşı cinayət törədir.
Qəzetin yazdığına görə, Fidan Blinkenə deyib ki, bölgədə qəzəb aşıb-daşır:
“Siz həm də imicinizə təhlükə yaradırsınız, çünki siz İsrail tərəfindən törədilən cinayətlərin himayədarı sayılırsınız”, deyə Fidan Blinkenə deyib.
Qeyd edək ki, Entoni Blinken Hakan Fidanla salamlaşarkən onu qucaqlamağa çalışsa da, Türkiyənin xarici işlər naziri bir addım geri çəkilib. Türkiyə mətbuatının yazdığına görə, Fidan bunu amerikalı diplomatın göstərdiyi nəzakətsizliyə görə edib.
Poliqon.info