Türkiyənin ROKETSAN şirkəti lazerlə idarə olunan “Mete” mini raketini sınaqdan keçirib...
Poliqon xəbər verir ki, bu barədə Anadolu Agentliyi tərtibatçı şirkətin mətbuat xidmətinə istinadən məlumat yayıb.
Raket PAVO Group müdafiə şirkəti tərəfindən hazırlanmış “Gök Alp” pilotsuz hava sistemindən istifadə edilməklə atılır. Məlumata görə, kütləvi istehsala başlamazdan əvvəl “Mete” raketinin testləri son mərhələyə çatıb.
“Gök Alp” pilotsuz sistemi ən çətin şəraitdə fəaliyyət göstərə bilir. O, elə qurulub ki, ona düşmən faktorları təsir edə bilmir. Bu effekt “Gök Alp”ın 13 kq yük daşıma qabiliyyəti və 35 dəqiqəlik uçuş müddəti, həmçinin təchiz etdiyi qabaqcıl texnologiya sayəsində əldə edilir.
“Mete” lazerlə idarə olunan mini raket sistemi yeni nəsil 40 mm-lik qumbaraatanlardan istifadə etməklə buraxıla bilir. O, adi qumbaraatanlar üçün mövcud sursatların maksimum diapazonunu aşan təsirə malikdir.
Tək bir heyət üzvü tərəfindən qumbaraatandan atəş açıla bilən “Mete” mini pilotsuz uçuş aparatları, pilotsuz yerüstü nəqliyyat vasitələri, pilotsuz dəniz vasitələri və quru nəqliyyat vasitələrinə yerləşdirmək üçün nəzərdə tutulub. Yüngül çəkili və kiçik ölçülüdür.
PAVO Qrupunun İdarə Heyətinin sədri Alper Özbilenin sözlərinə görə, “Mete” İHA konsepsiyasına uyğun olaraq “Gök Alp” İHA sisteminə uğurla inteqrasiya olunub.
Poliqon.info
Digərxəbərlər
Populyar xəbərlər
