Tunis çərşənbə günü axşam ölkəyə rəsmi səfər etməyi planlaşdıran Avropa Parlamentinin (AP) Xarici Əlaqələr Komitəsinin Maykl Qalerin başçılıq etdiyi nümayəndə heyətinə girişinə qadağan edib...
Poliqon bu barədə “Politico”ya istinadən xəbər verir.
"Bu nümayəndə heyətinə ölkəyə daxil olmağa icazə verilməyəcək", hökumətin Avropa İttifaqının Tunisdəki nümayəndəliyinə ünvanlanan məktubunda deyilir.
Mətndə qeyd edilir ki, bu addım Avropa Komissiyasının (AK) Avropaya miqrasiya axınının dayandırılması üçün iyul ayında Tunislə mübahisəli razılaşma əldə etməsindən sonra atılıb.
AP nümayəndə heyəti ölkəyə giriş qadağasını pisləyib və hakimiyyətdən izahat tələb edib.
"Bu, 2011-ci ilin demokratik inqilabından bəri görünməmiş bir davranışdır", deyə bəyanatda bildirilir.
Tunis hakimiyyəti bu qərarın niyə verildiyini izah etməyib, lakin iki parlament rəsmisi hökumətin bir sıra Avropa Parlamentinin deputatlarının ölkədəki demokratiyanın vəziyyəti ilə bağlı verdiyi bəyanatlardan incidiyini iddia edib.
Poliqon.info