Tramp yenidən prezident olarsa yəhudilərə qarşı olanları ölkədən çıxaracaq...
ABŞ-ın Respublikaçılar Partiyasının prezidentliyə namizədi Donald Tramp seçkidə qalib gələcəyi təqdirdə HƏMAS-a rəğbət bəsləyən, həmçinin “İsrailin mövcud olmaq hüququnu” inkar edən miqrantların ölkəyə girişini qadağan edəcəyinə söz verib.
Poliqon xəbər verir ki, bu barədə Reuters Agentliyi məlumat yayıb.
Bundan əlavə, Tramp antisemit olan əcnəbi tələbələrin vizalarını ləğv edəcəyinə söz verib. Dövlət başçısı vəzifəsinə namizəd miqrantların saxlanılması və deportasiyası üçün Fələstin tərəfdarı aksiyalara hüquq-mühafizə orqanlarının nümayəndələrini də göndərmək niyyətindədir.
“İsrail dövlətini ləğv etmək istəyirsinizsə, ABŞ-a daxil olmaqdan diskvalifikasiya olunursunuz, əgər HƏMAS və ya HƏMAS-ın arxasında duran ideologiyanı dəstəkləyirsinizsə, diskvalifikasiya edilirsiniz, əgər kommunist, marksist və ya faşistsinizsə, diskvalifikasiya olunursunuz”, deyə Tramp bildirib.
Bundan əvvəl Donald Tramp bəyan etmişdi ki, o, İsraili təcavüzdən qoruya biləcək dövlət başçısı postuna yeganə namizəddir:
“Mən İsrailin təhlükəsizliyini təmin etdim, bunu unutmayın. Mən İsraili təhlükəsiz saxladım... Bunu başqa heç kim etməyəcək, başqa heç kim edə bilməz və mən bütün oyunçuları tanıyıram”.
Poliqon.info
Digərxəbərlər
Populyar xəbərlər
