Tibb dünyasını aldadan qadın - Foto

Problemləri olduğunu düşündüyü xəstəsi özünü Şirlidən çox Peggi kimi təqdim edəndə Uilbur sevindi. Daha sonra işlər qəribələşməyə başladı. Şirli həqiqətənmi çoxlu şəxsiyyət pozğunluğuna sahib idi?

Poliqon sfera.az-a istinadən bu maraqlı hadisənin təfərrüatlarını təqdim edir.

Şirli Meyson qarantılar və psixoloji problemlər yaşayırdı ki, bu da onun müəllim kimi işləməsini çətinləşdirirdi. Bununla belə, təxminən beş ay sonra baş tutan seans zamanı Şirli uşaq kimi və hiperaktiv davranırdı. Dr.Uilbur ondan necə olduğunu soruşduqda, "yaxşıyam, amma Şirli xəstədir"-cavabını verib. Dr.Uilbur, nəhayət uzun illər sonra çoxlu şəxsiyyət pozğunluğu olan bir xəstə ilə işləyəcəyini düşünürdü.

Həkimin arzusu gerçəkləşirdi.

Sonrakı həftələrdə Uilbur Şirlinin şəxsiyyətləri ilə daha çox tanış oldu. O, Şirlini pulsuz müalicə etməyi, o cümlədən güclü dərmanlarla təmin etməyi təklif etdi. Bir neçə həftə sonra Dr. Uilbur Şirliyə çoxsaylı şəxsiyyət pozğunluğu diaqnozu qoyur. Ondan təcrübələri haqqında birlikdə kitab yazmaq istəyib-istəmədiyini də soruşub.

Şirli müxtəlif müalicələr, o cümlədən hallüsinasiyalara səbəb olduğunu bildiyimiz dərmanlar və elektrik şoku terapiyası aldı. Dr. Uilbur, həmçinin Şirliyə 1950-ci illərdə psixiatrların asılılıq yaratdığını bildiyi bir kimyəvi maddə olan natrium pentotal verdi.
1958-ci ildə Şirli terapiyaya əlində dörd səhifəlik məktubla gəldi.

Məktubda sadəcə: "Mənim birdən çox şəxsiyyətim yoxdur... Əslində, yalan deyirdim"deyilirdi. Dr. Uilbur və Şirli 11 il birlikdə çalışdılar və bir müəllifin köməyi ilə onların "Sybil" adlı kitabı 1973-cü ildə nəşr olunub. Bir müddət sonra Şirli bəzi insanlar arasında Sybil kimi tanınmağa başladı.

1970-ci illərdə bestseller olan kitab ictimaiyyət arasında və tibb sahəsində səs-küyə səbəb olub. İnsanlar heyran qalmışdı. Kitab hətta, 1976-cı ildə mini televiziya ş serialına çevrildi. Bütün amerikalıların beşdə biri bu serialı izlədi. On il sonra, təkcə ABŞ-da əksəriyyəti qadınlar olan 40,000-dən çox insana çoxsaylı şəxsiyyət pozğunluğu diaqnozu qoyuldu.

Araşdırmaçı jurnalist Debbi Natan 2011-ci ildə yazdığı "Sybil Exposed" kitabında Şirlinin həyatını və xəstəlik tarixini araşdırıb.

Natan iddia edir ki, Şirli şəxsiyyət pozğunluğunu psixiatrının diqqətini cəlb etmək üçün yaratmışdır. Şirli, Dr. Uilburun bir çox şəxsiyyət pozğunluğu ilə məşğul olduğunu bilirdi. Çünki ilk seanslarda bu haqda danışmışdılar. Şirli tezliklə Dr. Uilburdan həqiqətən ehtiyac duyduğu diqqəti görmədiyini hiss edir və bir neçə il sonra Şirlinin çoxsaylı şəxsiyyətə malik olduöu ortaya çıxır.

Psixoloq Robert Riber isə mövzuya bir az fərqli yanaşır.

Rieber, Şirli və Dr. Uilburnun terapiya seanslarından arxivləşdirilmiş lent yazılarını dinləyib. O, Dr.Uilburnu xəstəsini manipulyasiya etməkdə günahlandıran bir məqalə yazdı. Rieberə görə, Dr. Uilbur həqiqəti araşdırmırdı, həqiqəti istədiyi kimi formalaşdırırdı.
Çoxlu şəxsiyyət pozğunluğu 1994-cü ildə psixi xəstəlik üçün diaqnostik meyar olan DSM-dən çıxarıldı.

Bu, bölünmüş şəxsiyyət kimi tanınan oxşar pozğunluqla əvəz olundu. Lakin mütəxəssislər xəstələr üçün baş verənlərin daha dəqiq təsvirini verdilər. Şəxsiyyətin bölünməsi bir insanın şəxsiyyət duyğusu bölünmüş kimi və birdən çox şəxsiyyətə sahib olduğu kimi hiss etməsinə, hərəkət etməsinə və ya yaddaşında boşluqlara səbəb olur. Tibb ictimaiyyətində bölünmüş şəxsiyyət və digər daha çox müəyyən edilmiş pozğunluqların daha yaxşı müəyyən edilə biləcəyi ilə bağlı hələ də bəzi mübahisələr var. Nə olursa olsun, simptomları olanlar üçün tez-tez kədərli və çətin bir vəziyyətdir.
Medianın məsələyə diqqət yetirməsi xəstələrə mənfi təsir göstərə bilər.

Bölünmüş şəxsiyyətlə yaşamaq insanları valeh edir və diqqəti cəlb edir. Fərqlərin qəbul edilməsi yaxşı olsa da, media tərəfindən dezinformasiyanın yayılması düzgün deyil. Səhv diqqət daha çox utanc, anlaşılmazlıq yaradır və şəxsiyyətin bölünməsi diaqnozu qoyulanlara kömək etmir.

Poliqon.info