İranın təhlükəsizlik qüvvələri Tehranın cənubunda iğtişaşların əsas təşkilatçısını saxlayıblar…
PİA.az xəbər verir ki, bu barədə İranın “Mehr” Agentliyi məlumat yayıb. Agentlik bu məlumatı İran paytaxtının polis idarəsinin rəisi tərəfindən təsdiqləndiyini bildirib.
Adı açıqlanmayan saxlanılan şəxs ictimai əmlaka ziyan vurmaqda, habelə kütləvi iğtişaşlara təhrik etməkdə ittiham olunur. Polis onun tərəfdaşlarını da axtarır.
Xatırladaq ki, sentyabrın ortalarında İranda ictimai iğtişaşlar başlayıb. Buna səbəb 22 yaşlı Məhsa Əmininin ölümü olub. O hicab qaydalarını pozmaqda ittiham olunaraq həbs edilib və sonradan həbsxanada ölüb.
Rəsmi məlumatlara görə, 22 yaşlı Əmini infarkt keçirib, lakin etirazçılar İran hüquq-mühafizə orqanlarını məhbusu döyərək öldürməkdə ittiham edirlər. Oktyabrın 7-də Məhkəmə Tibb Xidməti qızın ölümündən əvvəl xəsarət almadığı barədə məlumat yayıb.
pia.az