Sudan ordusu və hərbiləşdirilmiş Çevik Reaksiya Qüvvələri əyalətdə davam edən tayfalararası toqquşmalar fonunda ölkənin cənub-qərbində Cənubi Darfur əyalətində yenidən döyüşlərə başlayıb…
Poliqon xəbər verir ki, bu barədə Çin mətbuatı məlumat yayıb. Qeyd edilir ki, Cənubi Darfurda ölən və yaralananların sayı ilə bağlı ziddiyyətli məlumatlar var.
Bəzi məlumatlara görə, hərbi maşınlarda olan RRF dəstələri Cənubi Darfurun inzibati mərkəzi olan Nyalaya hücum edib və ağır artilleriya atəşinə görə yüzlərlə insan bu şəhəri tərk edib. Qərbi Darfur əyalətinin paytaxtı El Geneina bölgəsində də döyüşlər gedir.
Xatırladaq ki, Darfur 2000-ci illərdə etniklərarası münaqişənin iştirakçısı olan ərəb hökumətyönlü “Cancavid” milislərindən yaradılmış RRF-nin qalası hesab olunur.
Qeyd edək ki, Sudan silahlı qüvvələri ilə RRF arasında silahlı münaqişə aprelin ortalarından bəri davam edir. Sudan Səhiyyə Nazirliyinin məlumatına görə, qarşıdurma nəticəsində ən azı 3 min nəfər ölüb, 6 min nəfər yaralanıb.
Ötən həftə BMT-nin Qaçqınlar üzrə Ali Komissarlığı bildirmişdi ki, Sudandakı münaqişə 4 milyondan çox insanı evlərini tərk etməyə məcbur edib.
Poliqon.info