ABŞ Senatı Rusiyadan olan iş adamlarının dondurulmuş aktivlərinin Ukraynanın xeyrinə müsadirə edilməsini dəstəkləyib…
PİA.az The Washington Post-a istinadən xəbər verir ki, ABŞ Senatı büdcə layihəsinə rusiyalı sahibkarların dondurulmuş aktivlərinin Ukraynanın xeyrinə müsadirə edilməsinə imkan verən düzəlişlərin daxil edilməsinə səs verib.
Təşəbbüsü Senata respublikaçı senator Lindsi Qrem təqdim edib. O, rusiyalı iş adamlarının aktivlərinin müsadirə edilməsini və Ukraynanın xeyrinə humanitar və hərbi yardım kimi verilməsini təklif edib.
ABŞ Ədliyyə Departamentinin Rusiyaya qarşı sanksiyaların tətbiqi üzrə işçi qrupunun rəhbəri Endryu Adams bir müddət əvvəl bildirmişdi ki, nazirlik Konqresdən həbs edilmiş Rusiya aktivlərinin Ukraynaya verilməsini qanuniləşdirməyi xahiş edir. Onun sözlərinə görə, belə bir təklif Ədliyyə və Maliyyə nazirlikləri və Dövlət Departamentinə müharibə zamanı Ukraynaya dəymiş ziyanı kompensasiya etmək imkanı verə bilər.
The Washington Post yazır ki, bəzi respublikaçı konqresmenlər qeyd olunan düzəlişə qarşı çıxıblar.
pia.az
Digərxəbərlər
Populyar xəbərlər
