“Qazaxıstan paytaxtında Rusiya ilə Türkiyə arasında Suriya görüşmələrinin yanvarın 23-də təşkil olunmasının Amerika ilə əlaqəsi də var”
Axar.az xəbər verir ki, bu sözləri politoloq Elxan Şahinoğlu sözügedən görüş müzakirəsini şərh edərkən deyib. Politoloqun fikrincə, görüş tarixi təsadüfən seçilməyib:
“Donald Trampın andiçmə mərasimi yanvarın 20-də olacaq, 3 gün sonra isə Astanada zirvə görüşü keçiriləcək. Ankara və Moskva Astana görüşünə Amerikanı da dəvət edəcək. Bu, bir növ, yeni prezident Donald Trampa “bizimlə ol” çağırışıdır. Tramp ta əvvəldən beynəlxalq terrorçulara qarşı mübarizədə Rusiya ilə əməkdaşlığa çalışacağını bəyan edib. İndi isə Moskva Ankara ilə birgə Trampa bu şəraiti yaratmaq istəyir.
Əlbəttə, Tramp Astanaya gedəsi deyil, ancaq nümayəndəsini həmin görüşə göndərə bilər. Sadəcə, Vaşinqton üçün bir problem var, Astanadakı zirvəyə İran prezidenti də qatılacaq, Trampın isə Tehran rejimi ilə arası yoxdur və o, Barak Obamanın İranla nüvə anlaşmasının əleyhinədir”.
pia.az
Digərxəbərlər
Populyar xəbərlər
