Reznikov hələ bir həftə müdafiə naziri vəzifəsində qalacaq

Ukrayna Ali Radası Aleksey Reznikovun istefasını ən azı bir həftədən sonra qəbul edəcək. Bu həftə Ukrayna parlamenti Ukraynanın hazırkı müdafiə naziri Aleksey Reznikovun istefası ilə bağlı heç bir qərar qəbul etməyəcək.

PİA.az xarici mətbuata istinadən xəbər verir ki, bu barədə Ukrayna Milli Təhlükəsizlik və Müdafiə Komitəsinin üzvü Maryana Bezuqlaya öz Facebook səhifəsində bildirib. Bezuqlaya qeyd edib ki, gələn həftə Ukraynaya silah yardımı ilə bağlı NATO müdafiə nzirlərinin yeni Ramşteyn görüşü keçirilə bilər. Buna görə də hazırkı müdafiə nazirinin istefası nazirliyin fəaliyyətində əlavə risklər yarada bilər.

“Biz Ramşteyn görüşü qarşısında müdafiə sisteminin və ehtimal hücum əməliyyatlarının bütün risklərini nəzərə almağa məcburuq”, deyə Maryana Bezuqlaya Facebook-da yazıb.

pia.az