Polşa hökumətinin keçmiş rəhbəri, Avropa Parlamentinin (AP) üzvü Vlodimer Ximoşeviç avqustun 1-də ölkəyə uçduğu iddia edilən iki helikopterin Belarus prezidenti Aleksandr Lukaşenkonun mühafizəçilərinə məxsus olduğunu bildirib...
Poliqon xəbər verir ki, o, bu barədə RMF FM radiostansiyasının efirində danışıb.
Ximoşeviçin sözlərinə görə, həmin vaxt Belarus lideri sərhəddən 7 kilometr aralıda yerləşən Belovejskaya Puşçadakı iqamətgahına gəlib.
O, sərhədi keçmənin təsadüfən baş verə biləcəyini etiraf edib, lakin Polşanın hava məkanının qəsdən pozulmasını istisna etməyib.
Avqustun 1-də Polşa Xarici İşlər Nazirliyi bəyan edib ki, Belarusa məxsus iki helikopter ölkənin hava məkanını pozub. Daha sonra Polşa Daxili İşlər Nazirliyinin (DİN) rəis müavini Maşey Vasik sərhəddə vertolyotlarla insidentdən sonra Belarusu təcrid etməyə çağırıb.
Belarus Müdafiə Nazirliyi Polşa hakimiyyətinin bəyanatını təkzib edərək qeyd edib ki, bununla onlar Polşa-Belarus sərhədi yaxınlığında silahlı qüvvələrin artırılmasına haqq qazandırmağa çalışırlar.
Poliqon.info