Pentaqonun rəhbəri Lloyd Ostin Kiyevə səfəri zamanı deyib ki, ABŞ Rusiya ilə hərbi münaqişədə Ukrayna üçün “sehrli çubuq” olacaq silahlara malik deyil...
Poliqon xəbər verir ki, bu barədə Ukraynanın “Strana.ua” portalı məlumat yayıb. Portal qeyd edir ki, eyni zamanda Ostin Amerika hakimiyyətinin Ukraynaya “yüksək keyfiyyətli hərbi yardım” göstərməyə davam edəcəyinə söz verib.
“Belə bir hərbi münaqişədə “sehrli çubuq” ola biləcək silahlar yoxdur. Burada mümkün uğur bir çox amillərdən asılıdır. Bu, çətin, çox yorucu mübarizədir və gələcəkdə də belə olacaq”, deyə Ostin Ukrayna paytaxtına səfərindən sonra mətbuat konfransı zamanı deyib.
Birləşmiş Ştatların hərbi departamenti rəhbərinin sözlərinə görə, Ukrayna hakimiyyətinin qarşısında çətin bir vəzifə durur ki, bu da Qərb müttəfiqləri tərəfindən təchiz edilmiş silah və hərbi texnikanın “nəticədə Rusiya üzərində hərbi qələbəyə nail olmaq” üçün “sinxronizasiyası”dır.
Kiyevə səfəri zamanı Lloyd Ostin Ukraynaya əlavə 100 milyon dollarlıq hərbi yardım paketinin ayrıldığını açıqlayıb.Bu paketə tank əleyhinə silahlar və hava hücumundan müdafiə sistemləri üçün raketlər daxildir.
Poliqon.info
Digərxəbərlər
Populyar xəbərlər
