Papa çeçenləri və buryatları “ən qəddar rus əsgərləri” adlandırıb - Zaxarova isə ona “pozğun” deyib

PİA.az xəbər verir ki, Roma Papası Fransisk çeçenləri və buryatları Ukraynada fəaliyyət göstərən rus qoşunlarının ən qəddar hissəsi adlandırıb. O, bu barədə Amerikanın “America Magazine” jurnalına müsahibəsində bildirib.

“Ukraynadan danışanda şəhid milləti düşünürəm. Şəhid və zülmə məruz qalan millət varsa, ona zülm edən də var. Mən Ukrayna işgəncə ilə öldürülən insanrdan danışanda qəddarlığı nəzərdə tutram, çünki Ukraynanı işğal edən ordunun vəhşiliyi və qəddarlığı haqqında çoxlu məlumatım var. Ümumiyyətlə, bəlkə də ən qəddar orduya Rusiya sahibdir. Mən bu Ordunun “rus ənənəsindən” uzaq olan hissəsini, çeçenləri və buryatları nəzərdə tutram” deyə dünya Katolik Kilsəsinin rəhbəri bildirb.

Eyni zamanda, Papa vurğulayıb ki, ilk növbədə Ukrayna torpaqlarına soxulan Rusiya dövlətinin ordusudur. O, həmçinin əlavə edib ki, birbaşa ad çəkməsə də, baş verənlərə görə konkret olaraq kimi qınadığı da “hamıya məlumdur”.

Rusiya Xarici İşlər Nazirliyinin rəsmi nümayəndəsi Mariya Zaxarova isə Roma Papası Fransiskin Ukraynada çeçenlərin və buryatların qəddarlığı barədə sözlərini həqiqətin hədsiz təhrifi adlandırıb:

“Bu artıq rusofobiya deyil, bu mənəvi pozğunluqdur. Bu pozğunluğun hansı səviyyədə olduğunu da deməyə çətinlik çəkirəm. Yadınıza salın, 90-cı illərdə və 2000-ci illərin əvvəllərində bunun tam əksini deyirdilər. Deyirdilər ki, Qafqaz xalqlarına işgəncə verən ruslar, slavyanlardır. İndi isə bizə deyirlər ki, qəddar olan Qafqaz xalqlarıdır və onlar slavyan ukraynalılara işgəncə verirlər. Həqiqətləri bu qədər pozğuncasına təhrif etmək olmaz”, deyə Rusiya diplomatiyasının sözcüsü bildirib.

pia.az