Kəşmirin mübahisəli Himalay bölgəsində bir qrup çoban atəşə tutulub...
Poliqon xəbər verir ki, bu barədə Pakistan ordusunun mətbuat xidməti məlumat yayıb. Mətbuat xidməti iki ölkə arasında faktiki sərhəd olan Nəzarət Xəttindəki Sattval sektorunda mülki şəxslərin atəşə tutulduğunu iddia edib.
Reuters Agentliyinin məlumatına görə, bu, 2021-ci ildən bəri ilk belə hadisədir. Pakistan Ordusu verdiyi açıqlamada cavab zərbəsi endirmək hüququ ilə bağlı xəbərdarlıq edib.
Pakistan ordusunun bəyanatında deyilir: “Hindistan ordusu günahsız kəşmirlilərə qarşı ənənəvi qeyri-insani rəftarını nümayiş etdirərək, Sattval sektorunda bir qrup çobana fərq qoymadan atəş açıb”.
Xatırladaq ki, Hindistan və Pakistan arasında Kəşmir münaqişəsi 1947-ci ildən davam edir. Tərəflər artıq üç müharibə aparıblar. Digər eskalasiya 2019-cu ildə hər iki ölkənin hava qruplarının döyüşə girməsi ilə başladı. Həm Pakistan, həm də Hindistan nüvə gücləridir.
Poliqon.info