Norveçin ultra-kommunist lideri gün eynəyi oğurluğuna görə istefa verdi

Poliqon xəbər verir ki, qərara səbəb iyun ayında baş verən qalmaqal olub. Yerli "Romerikes Blad" qəzeti xəbər verib ki, Moksnes Oslo hava limanında butiklərdən birində gün eynəyi oğurlayarkən cinayət başında yaxalanıb.

KİV-in məlumatına görə, 41 yaşlı siyasətçi mağazadan 1199 NOK (təxminən 100 avro) dəyərində "Hugo Boss" eynəklərini oğurlayıb. Əvvəlcə eynəyi təsadüfən götürdüyünü iddia edən siyasətçi günahını etiraf etməyib. Amma mediaya yayılan müşahidə kameralarından məlum olur ki, Moksnes əvvəlcə eynəyinin etiketini cırıb, sonra çamadana, daha sonra isə cibinə qoyub.

İyunun 30-da o, oğurluğa görə 3000 kron (təxminən 250 avro) cərimələnib. Bu gün verdiyi açıqlamada Moksnes eynəkləri oğurladığını etiraf edib və bunu niyə etdiyini "başa düşə bilmədiyini" deyib.

İyulun 3-də Qırmızılar partiyası Moksnesin xəstəliyə görə məzuniyyətə çıxdığını və onun müavini Mari Sneve Martinussenin müvəqqəti lider olacağını elan edib.

Poliqon.info