Amerikalı multimilyarder İlon Mask Demokratların namizədi Kamala Harris ABŞ prezident seçkilərində qalib gələrsə, həbs olunacağından qorxur...
Poliqon xəbər verir ki, bu barədə sahibkar X sosial şəbəkəsində jurnalist Taker Karlsona müsahibəsində bildirib.
Maskın fikrincə, Respublikaçılar Partiyasından prezidentliyə namizəd Donald Tramp seçkilərdə məğlub olarsa, bu, onun da sonu olacaq. Sahibkar Karlsona bu halda neçə il həbsxanada qalacağı ilə bağlı ritorik sualla müraciət edib.
Oktyabrın 7-də İlon Mask Kamala Harrisin zehni qabiliyyətlərini tənqid edərək onu ağılsız adlandırmışdı. Sentyabrın 23-də Mask ABŞ prezidenti Co Bayden və vitse-prezident Kamala Harrisin onu demokrat olmadığına görə "cəzalandırdıqlarını" bildirib. Seçki kampaniyası zamanı İlon Mask açıq şəkildə Trampı dəstəkləyir.
Sentyabrın əvvəlində o, Demokratlar Partiyasının "cinayətkarlar koalisiyasına" çevrildiyini deyib. Onun sözlərinə görə, cinayətkarlar çox vaxt demokratlara səs verirlər, ona görə də partiya öz elektoratını itirməmək üçün onlara qarşı çox yumşaq davranır.
Poliqon.info
Digərxəbərlər
Populyar xəbərlər
