Rusiya prezidenti bildirib ki, “xüsusi hərbi əməliyyat”ın bütün planlaşdırılan məqsədlərinə nail olunacaq...
Poliqon “RİA Novosti” Agentliyinə istinadən xəbər verir ki, Rusiya prezidenti Vladimir Putin Ukraynada keçirilən “xüsusi hərbi əməliyyat”la bağlı ruslara müraciət edib və çıxışında qeyd edib ki, planlaşdırılan bütün məqsədlərə nail olunacağını bildirib.
“Bu birliyə və vətənpərvərlik ruhuna görə bütün ölkə vətəndaşlarına təşəkkür edirəm. Həqiqət bizim tərəfimizdədir. Bütün nəzərdə tutulan məqsədlərə nail olunacaq”, deyə Putin Ukraynanın Donets, Luqansk, Zaporojye və Xerson vilayətlərinin Rusiyaya birləşməsi günü münasibəti ilə videomüraciətində bildirib.
Rusiya prezidenti müharibənin azadedici xarakter daşıdığını bəyan edib. Putini sözlərinə görə, Qərbin dəstəklədiyi Ukraynanın məqsədləri təkcə Krım və Donbass deyil, həm də Rusiyanın digər regionları işğal etmək olub.
Putin həmçinin qeyd edib ki, hadisələrin inkişafı “xüsusi əməliyyat”ın zəruriliyini təsdiqləyir, çünki Moskvanın münaqişəni sülh yolu ilə həll etmək cəhdlərinə baxmayaraq, Ukrayna 2014-cü ildən Rusiya ilə qarşıdurmaya hazırlaşırdı.
Poliqon.info