Ekspert: Putin Rusiya ordusunu şişirdir...

Vladimir Putin Rusiya silahlı qüvvələrinin sayını artırmaq qərarına gəlib və bu, işğalçı ölkənin iqtisadiyyatına ciddi təsir göstərə bilər.

Poliqon xəbər verir ki, bunu Kiyev İqtisadiyyat Məktəbinin baş iqtisadçısı Bencamin Hilqenştok “Business Insider” nəşrinə bildirib. Analitik qeyd edib ki, daha 180 min insanın işçi qüvvəsindən çıxarılması iqtisadiyyata böyük təsir göstərəcək.

Vyana Beynəlxalq İqtisadi Araşdırmalar İnstitutunun iqtisadçısı Artem Koçevin fikrincə, orduya çağırış məqsədyönlü aparılarsa, Rusiyanın əmək bazarı daha az zərər görəcək.

“Hazırda Rusiya orduzunu iki qrupa bölmək olar: sosial-iqtisadi vəziyyəti aşağı olan borclu şəxslər və məhkumlar. Onlar ya iqtisadiyyatın az məhsuldar sahələrində işləyirlər, ya da ümumiyyətlə əmək bazarında iştirak etmirlər”, deyə ekspert bildirib.

“Nə qədər ki, ordu bu iki qrup daxilində qalacaq, əmək bazarına təsir məhdud olacaq”, deyə ekspert əlavə edib. Koçev qeyd edib ki, RF Silahlı Qüvvələrinə yeni çağırışçıların əlavə cəlb edilməsi büdcə üçün yeni bir yük olacaq.

Mətbuatın yazdığına görə, Rusiya ordusuna o qədər çox məhbus cəlb edilib ki, bəzi həbsxanalar bağlanmağa başlayıb. Hələ mart ayında Rusiya məhkumların sayının eyni vaxtda əhəmiyyətli dərəcədə azalması səbəbindən bəzi azadlığın məhdudlaşdırılması yerlərinin bağlandığını bəyan edib.

Poliqon.info