Donald Trampa sui-qəsd cəhdində şübhəli bilinən amerikalı Rayan Uesli Rout Rusiya prezidenti Vladimir Putin və Şimali Koreya lideri Kim Çen Inı da öldürmək istəyindən danışıb...
Poliqon xəbər verir ki, bu barədə Ukraynada Routla işləyən Çelsi Uolş adlı tibb bacısı məlumat verib.
The Wall Street Journal yazır ki, Uolş Routu Kiyevdə tanış olduğu “ən təhlükəli amerikalı” adlandırıb. Onun sözlərinə görə, onlar Ukrayna paytaxtının ətrafında tanış olublar. Tibb bacısı ümid edib ki, Rout ona könüllülər təşkilatına qoşulmağa kömək edəcək, amma əvəzində o, onu Maydanda Ukraynaya dəstək aksiyasına dəvət edib.
Uolş qeyd edib ki, o, həmin vaxt Routu təhlükəli hesab etmədiyi üçün etirazlarda iştirak etməyə razılıq verib. Lakin sonradan Rout Putin və Kim Çen Inı öldürmək planlarından danışmağa başlayanda onun fikri dəyişib.
ABŞ-ın Ukraynaya yardım qrupları üçün kommunikasiyalara cavabdeh olan keçmiş CIA zabiti Sarah Adams deyib ki, könüllülər arasında Rout “fırıldaqçı və bir növ füsunkar” kimi tanınır. Könüllülərə onunla əməkdaşlıq etməkdən çəkinmələri barədə xəbərdarlıq edilib.
Başqa bir mənbə deyir ki, Rout Trampın əslində Ukraynanı dəstəkləmək əvəzinə Putinlə danışıqlar aparmağa çalışmasından məyus olduğunu qeyd edib.
Rout Ukrayna Silahlı Qüvvələrinə qoşulmağa çalışıb və ölkənin beynəlxalq müdafiə legionuna əcnəbilərin cəlb edilməsində fəal iştirak edib. Bununla belə, onun fikirləri “aldanmış və qeyri-real” hesab edilmiş və onunla əməkdaşlıq etməkdən imtina ediblər.
Poliqon.info
Digərxəbərlər
Populyar xəbərlər
