Monqolustan prezidenti Putini Ulan-Batorun mərkəzi meydanında qarşılayıb

Poliqon xəbər verir ki, Kremlin mətbuat xidmətindən verilən məlumata görə, hər iki ölkənin himnləri səsləndirilib.

Qeyd edilir ki, Putin Monqolustan prezidenti Uxnaaqiyn Xurelsuxla görüşə “Aurus” avtomobilində gəlib. Monqolustanın bütün əsas dövlət qurumlarının iqamətgahlarının yerləşdiyi Sux-Batorun mərkəzi meydanında Rusiya Federasiyasının rəhbərini həmkarı şəxsən qarşılayıb.

Rusiya prezidentini fəxri qarovul dəstəsi və orta əsr zirehləri kimi stilizə olunmuş parlaq geyimli atlı qarovullar qarşılayıblar.

Rusiya liderini Monqolustanda baş nazirin müavini Aleksey Overçuk, xarici işlər naziri Sergey Lavrov, Energetika Nazirliyinin rəhbəri Sergey Tsivilev, Rospotrebnadzorun rəhbəri Anna Popova və digər rəsmi şəxslər müşayiət edirlər.

Poliqon.info