Avstraliya və Yeni Zelandiyanın hüquq-mühafizə orqanları mütəşəkkil cinayətkarlığa qarşı birgə keçirdiyi iri əməliyyatda 1600-dən çox adamı həbs edib...
Poliqon xəbər verir ki, bu barədə yerli KİV hakimiyyət orqanlarının bəyanatlarına istinadən məlumat yayıb.
Narkotik və mütəşəkkil cinayətkarlıqla mübarizə əməliyyatı olan “Vitreus” əməliyyatı nəticəsində iki ölkədə narkotiklə əlaqəli 1611 həbs edilib və 93 milyon Avstraliya dolları (62,9 milyon ABŞ dolları) dəyərində narkotik maddə ələ keçirilib.
Avstraliya və Yeni Zelandiyada ümumilikdə 528 axtarış qərarı verilib, 71 odlu silah və 2,2 milyon Avstraliya dollarından (1,4 milyon ABŞ dolları) çox pul müsadirə edilib.
Qeyd edilir ki, “Vitreus” Avstraliya və Yeni Zelandiya polis qüvvələri arasında mütəşəkkil cinayətkarlıqla mübarizə üçün birgə təşəbbüsdür.
Poliqon.info