Mask Trampın ona iş təklif etdiyini inkar edib...

Amerikalı iş adamı İlon Mask ABŞ-ın keçmiş prezidenti Donald Trampın yenidən seçiləcəyi təqdirdə onun müşaviri kimi işləmək imkanını müzakirə etmədiyini bildirib.

Poliqon xəbər verir ki, daha əvvəl mənbələr The Wall Street Journal qəzetinə bu barədə məlumat verib. Nəşr iddia edib ki, Mask və Tramp bir bu barədə danışıb razılığa gəliblər.

“Potensial olaraq Tramp administrasiyasındakı rolumla bağlı heç bir müzakirə aparılmayıb” deyə İlon Mask sosial media hesabında X-də yazıb.

WSJ-nin məlumatına görə, onların görüşü mart ayında milyarder Nelson Peltzin Floridadakı malikanəsində baş tutub. İddialara görə, Donald Tramp “Tesla” rəhbərinin ABŞ sərhədlərində təhlükəsizlik məsələlərinə və ölkə iqtisadiyyatına nəzarət edə biləcəyinə inanır.

Qeyd edək ki, İlon Mask ABŞ prezident şurasının üzvü olub, lakin 2017-ci ildə Trampın Paris iqlim sazişlərindən çıxmaq qərarından sonra şuranı tərk edib.

Poliqon.info