Narişkin “Crocus”da törədilən terror aktının günahkarlarını Rusiya xaricində axtarır

Rusiya Xarici Kəşfiyyat Xidmətinin (SVR) direktoru Sergey Narışkin bildirib ki, Moskva yaxınlığındakı “Crocus City Hall” konsert zalında terror aktının təşkilində əli olan şəxslərin müəyyən edilməsi üçün araşdırma aparılır.

Poliqon xəbər verir ki, SVR direktoru bunu “RİA Novosti” Agentliyinin müvafiq sualını cavablandırarkən bildirib.
“İstintaq aparılır”, deyə Rusiya Xarici Kəşfiyyat Xidmətinin direktoru vurğulayıb.

Qeyd edək ki, mayın 5-də Moskva məhkəməsi “Crocus City Hall”a hücumla bağlı iş üzrə 11-ci müttəhim, Tacikistan vətəndaşı Məhəmməd Şaripzodanı həbs edib.

Rusiya İstintaq Komitəsi bəyan edib ki, onlar “Crocus”da baş verən terror aktı ilə Ukraynadakı müharibə arasında əlaqə görürlər.

Xatırladaq ki, terror aktı martın 22-də axşam saatlarında baş verib. Terror aktı nəticəsində 130-dan çox insan həlak olub. Hadisəni törədənlərin 4 nəfər Tacikistan vətəndaşı olduğu məlum olub. Onlar Ukrayna ilə sərhəddə saxlanılıblar.

Polioqn.info