Papikyan: Fransa ilə müdafiə sahəsində əməkdaşlıq bir çox istiqamətlərdə inkişaf edir

Poliqon xəbər verir ki, bunu fevralın 23-də İrəvanda Fransanın müdafiə naziri Sebastyan Lekornu ilə birgə keçirdiyi brifinqdə Ermənistanın müdafiə naziri Suren Papikyan deyib.

“Erməni və fransız xalqlarının ümumi dəyərlərinə əsaslanan dövlətlərarası münasibətlər dövlətlərimizin başçılarının diqqət mərkəzindədir və günü-gündən genişlənir və burada müdafiə sahəsində əməkdaşlıq mühüm əhəmiyyət kəsb edir.

Fransa müdafiə nazirinin Ermənistana səfəri sübutdur ki, hərbi sahədə əməkdaşlığın praktiki müstəviyə keçməsindən heç iki il keçməməsinə baxmayaraq, bizim birgə səylərimiz sayəsində artıq sistemli və genişmiqyaslı müstəviyə malikdir.

Bir neçə dəqiqə əvvəl müzakirəmizi yekunlaşdırdıq. Gündəliyimizə silahlı qüvvələrin bütün sahələri daxildir. Fransanın hərbi islahatlar, hərbi təhsil, təlim kursları, silahlı qüvvələrin və müdafiə vasitələrinin müasirləşdirilməsi, eləcə də hərbi-texniki əməkdaşlığın inkişaf etdirilməsi prosesində məsləhətlər verməkdə hərtərəfli dəstəyini xüsusilə qeyd etməliyəm.

Mən Ermənistan Silahlı Qüvvələrində müasir meyarlara cavab verən və mövcud çağırışların öhdəsindən gələ bilən Silahlı Qüvvələrin formalaşdırılması üçün nəzərdə tutulmuş islahatlar prosesini təqdim etdim”, deyə Papikyan mətbuat konfransındakı çıxışında bildirib.

Poliqon.info