Türkiyə bütün BMT sistemində islahatların aparılmasını tələb edir...

Poliqon xəbər verir ki, bu barədə “TRT Haber” telekanalı məlumatyayıb. Fidan islahatların zərurətini BMT Təhlükəsizlik Şurasının (TŞ) beynəlxalq böhranları həll edə bilməməsi izah edib.

Telekanalın məlumatına görə, türkiyəli nazir “Qlobal İdarəçilik İslahatı” mövzusunda sessiyada çıxışı zamanı deyib ki, BMT Təhlükəsizlik Şurası bir çox məsələlərdə, xüsusən də Qəzza zolağındakı böhranla bağlı heç bir addım atmayıb. Fidan qeyd edibki, bu, bütün BMT-nin reputasiyasına kölgə salır. Onun sözlərinə görə, dünyaya beynəlxalq hüquqa əsaslanan “daha demokratik, hesabatlı BMT sistemi lazımdır.

Hakan Fidan onu da qeyd edib ki, beynəlxalq maliyyə sistemi daha əhatəli, şəffaf və davamlı olmalıdır. Onun fikrincə, maliyyə institutları və banklar inkişaf etməkdə olan və yoxsul ölkələrin maraqlarını nəzərə alan siyasət yürütməlidirlər, əks halda G20 dayanıqlı inkişaf məqsədinə nail olmayacaq.

Poliqon.info