NATO ölkələri Rusiyanın hərbi imkanları və müdafiə alyansı üçün təhdidləri ilə bağlı yeni qiymətləndirmə hazırlayıb...
Poliqon xəbər verir ki, bu barədə Financial Times qəzetinin məlumatında bildirilir. Məlumatda qeyd olunur ki, Qərb hökumətlərinin Rusiyadan gələn təhlükə və onun hərbi-sənaye kompleksinin inkişaf tempi ilə bağlı narahatlığı artıb.
Böyük Britaniya Müdafiə Nazirliyinin rəsmisi nəşrə bildirib ki, Rusiyanın “müharibə niyyəti” hələ də qalmaqdadır.
“Ukraynadakı quru qoşunları tənəzzüldədir, lakin Rusiyanın hava qüvvələri və donanması böyük ölçüdə qorunub saxlanılıb və Rusiya əsas nüvə dövləti olaraq qalır”, deyə Britaniya rəsmisi deyib.
FT yazır ki, əksər Qərb rəsmiləri Rusiyanın 5-6 il ərzində “gücünü bərpa edə biləcəyini” gözləyirlər. Qeyd edilir ki, 2022-ci ildə Rusiya hərbi-sənaye kompleksinin canlanması Qərbdə çoxlarının qeyri-mümkün hesab etdiyi sürətlə baş verib.
FT qeyd edir ki, NATO-nun birgə komandanlığı və alyansın Almaniyanın cənubundakı Ulm şəhərindəki komandanlıq mərkəzi NATO qüvvələrinin bütün Avropada yerləşdirilməsi planı üzərində işləyir. Bundan əlavə, alyans komandanlığı milli enerji ehtiyatlarının dayanıqlılığı və kommunikasiya şəbəkələrinin təhlükəsizliyi, eləcə də infrastrukturun, o cümlədən avtomobil və dəmir yollarının çoxlu sayda hərbi texnikaya uyğunlaşdırılması üzərində işləyir.
Poliqon.info
Digərxəbərlər
Populyar xəbərlər
