ABŞ-ın keçmiş prezidenti Donald Tramp NATO ölkələrindən ABŞ-ın onları müdafiə etməsi üçün ÜDM-in ən azı 2 faizini müdafiəyə xərcləmələrini tələb edib...
Poliqon xəbər verir ki, bu barədə Politico nəşri məlumat yayıb.
"Baxın, əgər onlar pul ödəməyəcəklərsə, biz qorumayacağıq, tamammı?” deyə Respublikaçılar Partiyasından prezidentliyə namizədi tərəfdaşları qarşısında çıxış edərkən deyib.
Siyasətçi əlavə edib ki, o, hər bir ölkənin müdafiə büdcəsinə baxıb və məlum olub ki, “heç kim öhdəliklərini yerinə yetirmir”.
Qeyd edək ki. bir neçə gün öncə Tramp növbəti dəfə prezident olarsa, maliyyə öhdəliklərini yerinə yetirməyən NATO ölkələrinə Rusiyanın hücumu olacağı təqdirdə, həmin ölkəni müdafiə etməyəcəyini bildirmişdi. Respublikaçıların prezidentliyə əsas namizədinin bu sözləri istər ABŞ-da, istərsə də Avropada ciddi narahatlıqla qarşılanmışdı.
Poliqon.info