Ticarət gəmisi Yəmənin Hudeyda limanından 57 dəniz mili (105,5 km) qərbində hücuma məruz qalıb...
Poliqon xəbər verir ki. bu barədə Britaniya Dəniz Ticarət Əməliyyatları İdarəsi (UKMTO) özünün X sosial şəbəkə səhifəsində məlumat yayıb.
Gəminin kapitanı bildirib ki, gəminin sol tərəfindən mərmi atılıb. Mərmi şüşəyə cüzi ziyan vurub. Ekipaj üzvlərindən heç biri xəsarət almayıb, gəmi yoluna davam edir.
Qeyd edək ki, yanvar ayından bəri ABŞ Yəmən ərazisinə dəfələrlə zərbələr endirib. Vaşinqton bunu Qırmızı dənizdə husilərin ticarət gəmilərinə və döyüş gəmilərinə davam edən hücumlarına cavab adlandırır. Dünən, fevralın 5-də ABŞ və Britaniya Yəmənə 15 hava zərbəsi endirib.
Poliqon.info