Ukrayna prezidenti Vladimir Zelenskinin bunkerinə əcnəbilərin girişi qadağan edilib...
Poliqon xəbər verir ki, bu barədə “Time” qəzetinin jurnalisti, Ukrayna prezidentinin tərcümeyi-halının müəllifi Saymon Şuster “Ukrayinska Pravda” nəşrinə müsahibəsində danışıb. O, etiraf edib ki, bunkerdəki həyat haqqında yazılanların hamısı Zelenski və köməkçiləri ilə müsahibələrə əsaslanır.
“Bunker Ukrayna Prezidentinin ofisinin bir hissəsidir ki, ora məni heç vaxt içəri buraxmayıblar. Açıq şəkildə dedilər: “Unut bunu”. Əcnəbilər ora qətiyyən buraxılmır. Mühafizə xidməti bunun qeyri-mümkün olduğunu bildirib”, deyə jurnalist bildirib.
Şuster onu da qeyd edib ki, Qərb media nümayəndələri öz mətnlərində bunkerlə Ukrayna prezidentinin ofisinin binasını tez-tez səhv salırlar. Qəzetlərdən biri səhvən jurnalistin Ukrayna liderinin sığınacağına baş çəkdiyini yazıb və bu səbəbdən Şuster məqalənin adını dəyişməyi xahiş etməli olub.
Qeyd edək ki, jurnalist Qərb ölkələrinin 2022-ci ilin yazında Rusiya ilə danışıqlar zamanı Ukraynanı güzəştə getməyə sövq etməyə çalışdığını bildirib. Şuster əlavə edib ki, Qərb tərəfdaşları Moskvanın şərtlərini qəbul etməsi üçün Ukrayna prezidentinə təzyiq göstəriblər. Bundan əlavə, ona sürgündə hökumət qurmağı təklif ediblər.
Jurnalist həmçinin iddia edib ki, Zelenskinin zəif tərəfi onun xalq sevgisindən güclü asılılığındadır. Saymon Şusterin sözlərinə görə, prezidentin tənqidlərə adekvat cavab verə bilməməsi vəziyyəti tamamilə çətinləşdirir.
Poliqon.info