Vivek Ramasvami prezidentlik yarışından geri çəkilib

Poliqon xəbər verir ki, bu barədə France Press Agentliyi məlumat yayıb. Ramasvami qarşıdan gələn seçkilərdə keçmiş prezident Donald Trampı dəstəkləyəcəyini bildirib.

“Bundan sonra biz prezidentlik kampaniyasını dayandırırıq. Mənim növbəti prezident olmaq imkanım yoxdur”, deyə Ramasvami bildirib.

Qeyd edək ki, Vivek Ramasvami bu qərarı Trampın Respublikaçı namizədlərin Ayova ştatında keçirilən ilkin seçkisindən sonra səslərin əksəriyyətini toplamasından sonra verib.

Ramasvami artıq ABŞ-ın keçmiş prezidentinə zəng vurduğuna da bildirib.

“Mən Donald Trampa zəng edərək onu qələbəsi münasibətilə təbrik etdim və ona tam dəstəyim olduğunu bildirdim”, deyə iş adamı vurğulayıb.

Qeyd edək ki, dünən Ayova ştatında keçirilən Respublikaçı kokusunda prezidentliyə namizədin seçilməsi üçün ilk səsvermə keçirilib. İlkin nəticələrə görə, 80 mindən çox səsin hesablanmasından sonra cənab Tramp 50,8%, Florida qubernatoru Ron DeSantis - 21,3%, ABŞ-ın BMT-dəki keçmiş daimi nümayəndəsi Nikki Heyli - 19,2%, Ramasvami - 7,6% səs toplayıb.

Poliqon.info