Belarus prezidenti NATO-nun postsovet məkanında nəyə can atdığını açıqlayıb...
Postsovet məkanının parçalanması NATO kəşfiyyatının əsas vəzifələrindən biridir və Qərb region ölkələrinin mehriban qonşuluq münasibətlərinə “çaxmaq vurmaq” istəyir.
Poliqon xəbər verir ki, bu fikri Belarus Prezidenti Aleksandr Lukaşenko MDB-yə üzv dövlətlərin təhlükəsizlik orqanları və kəşfiyyat xidmətləri rəhbərlərinin 19-cu iclasında iştirak edən nümayəndə heyətlərinin rəhbərləri ilə görüşdə çıxışı zamanı deyib. Prezidentin sözlərini BELTA Agentliyi sitat gətirib.
“NATO kəşfiyyat ictimaiyyətinin və onların müttəfiqlərinin əsas vəzifələrindən biri postsovet məkanının parçalanmasıdır. Onlar əvvəlcə bizim çoxəsrlik mehriban qonşuluq münasibətlərimizə zərbə vurmaq, sonra isə onları bir-birinə qarşı qoymaq istəyirlər”, deyə Belarus prezidenti bildirib.
Lukaşenko həmçinin qeyd edib ki, hazırda “dünya xaosa qərq olur” və belə bir şəraitdə xüsusi xidmət orqanlarının rolu artır.
Poliqon.info
Digərxəbərlər
Populyar xəbərlər
