Xavyer Mileyin prezidentlik jezlində onun itlərinin başı əks olunub

Poliqon xəbər verir ki, bu barədə Argentinanın “Clarin” qəzetinin məlumatında bildirilib. Qəzet yazır ki, atributda cənab Mileyin itlərinin şəkli əks olunub.

İnauqurasiyadan sonra yeni hökumətin mətbuat xidmətinin nümayəndəsi bildirib ki, jezlin dəyişdirilməsi son anda məlum olub. Əvvəlcə onun bütün əvvəlki prezidentlər üçün jezl hazırlayan usta Xuan Karlos Pagliarols tərəfindən hazırlanacağı planlaşdırılırdı. Lakin Xavyer Miley şəxsi səbəblərə görə Pagliarols tərəfindən hazırlanmış jezldən imtina edib. Mətbuat xidmətinin nümayəndəsinin sözlərinə görə, onların aralarında şəxsi münaqişə olub.

Argentinanın səlahiyyət müddəti başa çatan prezidenti Alberto Fernandezin yeni dövlət başçısına təqdim etdiyi jezlin qulpunda beş it başı təsvir edilib. Xavyer Mileyin isə dörd iti var. Bütün itlər Miley Konanın 2017-ci ildə ölən itinin klonlarıdır.

Qeyd edək ki, Xavyer Miley dekabrın 10-da Argentina prezidenti vəzifəsinin icrasına başlayıb, bundan sonra o, kabineti ilə birlikdə and içib. Jurnalistlərin mərasimə qatılmasına icazə verilməyib. Mərasimdən əvvəl nazirliklərin sayını 18-dən 9-a endirən ilk prezidentin sərəncamı dərc edilib.

Xavyer Miley Nikolas Posseni hökumətin sədri təyin edib. Diana Mondino Xarici İşlər Nazirliyinin rəhbəri olub. İqtisadiyyat Nazirliyinə keçmiş prezident Maurisio Makrinin dövründə maliyyə naziri və Mərkəzi Bankın sədri vəzifələrində çalışmış Luis Kaputo rəhbərlik edir. Prezidentliyə keçmiş namizəd Patrisiya Bullriç təhlükəsizlik naziri təyin edilib.

Mileyin bacısı Karina Miley isə Prezident Aparatının Baş Katibi kimi and içib. “La Nacion” nəşri yazır ki, Argentinanın yeni prezidenti bacısını dövlət vəzifəsinə təyin etmək üçün Maurisio Makrinin (2015-2019-cu illərdə prezident olub) fərmanını ləğv edib. Həmin fərmanda qohumlarının dövlət vəzifələrinə təyin edilməsini qadağan edilib.

Poliqon.info