ABŞ-ın Apple korporasiyası yaxın iki-üç il ərzində Hindistanda hər il 50 milyondan çox iPhone istehsal etməyi planlaşdırır...
Poliqon xəbər verir ki, bu barədə The Wall Street Journal nəşri mənbələrə istinadən yazır.
Mənbələrin sözlərinə görə, planlar reallaşarsa, Hindistan qlobal iPhone istehsalının 1/4-ni təşkil edəcək və bu pay 10 ilin sonuna qədər artacaq.
Qeyd edilir ki, Cənubi Karnataka əyalətində tikilən "Foxconn" zavodunun aprel ayında işə başlaması və yaxın 2-3 il ərzində hər il 20 milyon mobil telefon, əsasən də iPhone istehsal etməsi gözlənilir.
Mənbələr Apple-ın 2025-ci ildə satılacaq büdcə iPhone-ların istehsal mərhələsi üçün Hindistanı da seçdiyini deyib.
Son bir neçə il ərzində Apple Hindistanda fəaliyyətini gücləndirib və ölkədən ən böyük mobil telefon ixracatçısı olub. Ən böyük müqaviləli elektronika istehsalçısı və iPhone montajçısı olan Tayvanın "Foxconn Technology Group" şirkəti Hindistanın Tamil Nadu əyalətindəki zavodunda iPhone 15-in istehsalına başlayıb.
Poliqon.info