Ceyk Sallivan bildirib ki, ABŞ-ın dəstəyi olmadan Ukrayna Silahlı Qüvvələrinin imkanları əhəmiyyətli dərəcədə azalacaq...
ABŞ prezidentinin milli təhlükəsizlik üzrə köməkçisi Ceyk Sallivan bildirib ki, Ukrayna Silahlı Qüvvələrinin hava zərbələrindən müdafiə və döyüş meydanında irəliləmə qabiliyyəti Vaşinqtonun hələ razılaşdırılmamış köməyi olmadan əhəmiyyətli dərəcədə azalacaq.
Poliqon xəbər verir ki, Sallivanın sözlərini The New York Times qəzeti sitat gətirib.
“Bu maliyyələşdirmə problemi səbəbindən Ukraynanın Rusiyanın hücumlarına qarşı özünü müdafiə etmək, eləcə də öz ərazilərini işğaldan azad etmək qabiliyyəti əhəmiyyətli dərəcədə azalacaq”, deyə Sallivan bildirib.
ABŞ prezidentinin milli təhlükəsizlik üzrə köməkçisi həmçinin qeyd edib ki, hava hücumundan müdafiə vasitələrinin təchizatının mümkün dayandırılması döyüşlərdə mühüm rol oynayacaq.
“Ukrayna Silahlı Qüvvələrinin infrastruktur və birləşmələrinə hücum edən raket və dronları ələ keçirmək qabiliyyəti də ciddi şəkildə azalacaq”, deyə Sallivan vurğulayıb.
Poliqon.info