Donald Tramp Co Baydenin səhhətinə görə seçkidə iştirak etməyəcəyindən əmindir...
ABŞ-ın keçmiş prezidenti Donald Tramp bildirib ki, hazırkı dövlət başçısı Co Bayden səhhəti ilə əlaqədar qarşıdan gələn seçkilərdə iştirak etməyəcək.
Poliqon xəbər verir ki, bu barədə Fox News telekanalı məlumat yayıb.
“Şəxsən mən onun fiziki cəhətdən uğur qazanacağını düşünmürəm. Mən onu sahildə olanda gördüm. Bir uşağın qaldıra biləcəyi çimərlik kreslosunu qaldıra bilmədi. Mən deyərdim ki, eyni dərəcədə əqli cəhətdən də onun problemləri var, bəlkə daha da pisdir”, deyə Tramp Ayova ştatında tərəfdarlarına qarşısında çıxış edərkən deyib.
Qeyd edək ki, daha əvvəl Tramp tərəfdarlarını prezident Baydenin əqli qabiliyyətlərinə gülməməyə çağırıb.
Bundan əvvəl ABŞ prezidenti Co Bayden Bostonda demişdi ki, sələfi Donald Tramp namizəd olmasaydı, o, yenidən dövlət başçısı postuna namizəd olmaya bilərdi. Bayden qeyd edib ki, Donald Trampın ABŞ lideri kimi Ağ Evə qayıtmasına imkan verə bilməz.
Poliqon.info
Digərxəbərlər
Populyar xəbərlər
