Xavyer Miley: Avtokratlar və kommunistlərlə əməkdaşlıq etməyəcəm...

Poliqon xəbər verir ki, Argentinanın yeni seçilmiş prezidenti Xavyer Miley çərşənbə axşamı deyib ki, o, "liberal demokratları" beynəlxalq arenada Argentinanın tərəfdaşları kimi görür.

"Mən həmişə azadlığı, sülhü müdafiə edənlərin və liberal demokratiyaya inananların tərəfində olacağam. Mən avtoritar rejimlərin və kommunistlərin yanında olmayacağam", deyə yeni seçilən prezident Argentinanın LN+ telekanalına müsahibəsində deyib. Seçilmiş prezident hansı ölkələrdən danışdığını dəqiqləşdirməyib.

Miley həmçinin qeyd edib ki, o, Venesuela prezidenti Nikolas] Maduronun diktaturasını pisləyir və Venesuela liderinin ona ünvanladığı sözləri yersiz adlandırıb. Qeyd edək ki, Maduro Argentinada keçirilən prezident seçkilərində “ultrasağçı neofaşizmin” qalib gəldiyini bildirib.

Noyabrın 19-da Argentinada prezident seçkilərinin ikinci turu keçirilib. Sağçı “Azadlıq gəlir” koalisiyası tərəfindən namizədliyi irəli sürülən Libertar deputat iqtisadiyyat naziri Sergio Massanı məğlub edib.

Seçki kampaniyası zamanı Miley bu dövlətlərin siyasətləri ilə razılaşmadığı üçün Braziliya, Çin və Rusiya ilə dövlətlərarası əlaqələri inkişaf etdirmək niyyətində olmadığını bildirsə də, eyni zamanda, özəl bizneslərin bu ölkələrlə biznes qurmasına mane olmayacağını bəyan edib.

Poliqon.info