Çin və ABŞ nüvə silahlarına nəzarət üzrə danışıqlar aparacaq

Poliqon Wall Street Journal nəşrinə istinadən xəbər verir ki, bu, Obama administrasiyasından sonra ilk belə danışıqlar olacaq.

Bazar ertəsi Çinin xarici işlər naziri Van İnin Vaşinqtona səfərindən sonra Çin Xarici İşlər Nazirliyi bildirib ki, iki ölkə yaxın günlərdə “silahlara nəzarət və yayılmamaq üzrə məsləhətləşmələr”, həmçinin dəniz və digər məsələlər üzrə ayrı-ayrılıqda danışıqlar aparacaq.

Wall Street Journal xəbər verir ki, bu danışıqlar gələn həftənin bazar ertəsi başlayacaq və ona Dövlət Departamentinin yüksək vəzifəli rəsmisi Mallory Stewart və Çin Xarici İşlər Nazirliyinin silahlara nəzarət şöbəsinin rəhbəri Sun Xiaobo rəhbərlik edəcək.

Qeyd edilir ki, Dövlət Departamenti və Çinin Vaşinqtondakı səfirliyi danışıqların vaxtı və formatı ilə bağlı Reuters-in sorğularına dərhal cavab verməyib.

Poliqon.info