Melikov iğtişaş iştirakçılarını “günahlarını müharibədə yumağa” çağırıb

Poliqon TASS Agentliyinə istinadən xəbər verir ki, Melikov saxlanılan etirazçıları “bu utancı yumaq” üçün könüllü olaraq Ukraynaya müharibəyə getməyə dəvət edib.

Dağıstan rəhbərinin sözlərinə görə, saxlanılan şəxslərə qarşı zorla bu xüsusi tədbirlər tətbiq edilməyəcək.

“Bizdə hələ elə bir vəziyyət yoxdur ki, insanlar cinayət törətdiklərinə görə müharibə zonasına göndərilsin”, deyə Dağıstanın rəhbəri TASS-a açıqlamasında qeyd edib. O vurğulayıb ki, hərbi əməliyyatda şüurlu şəkildə iştirak etmək lazımdır.

Melikov qeyd edib ki, Şimali Qafqazın digər bölgələrində oxşar hadisələr baş verməyib və Dağıstanda “ədəbsiz davranış” nümayiş etdirilib.

“Mən dünən baş verən hadisələrdən utanıram, çünki Dağıstan həm Qafqazda, həm də bütün Rusiyada, bəlkə də daha geniş mənada, həmişə dostluq qalası olub”, deyə Sergey Melikov bildirib.

Poliqon.info