Çinin ABŞ-dakı keçmiş səfiri SuyTiankay Vaşinqton və Pekin arasındakı münaqişənin dünya üçün fəlakətli nəticələri olacağını deyib...
Poliqon “RİA Novosti” Agentliyinə istinadən xəbər verir ki, keçmiş səfirin fikrincə, belə bir ssenarinin inkişaf etməməsi üçün hər iki tərəf birgə səylər göstərməlidir. SuyTiankay qeyd edib ki, ABŞ-ın keçmiş dövlət katibi Henri Kissincerdə bu barədə dəfələrlə xəbərdarlıq edib ki, Vaşinqton və Pekin münaqişələrdən və qarşıdurmalardan qaçmalıdır.
“Düşünürəm ki, hər iki ölkədə ağıllı insanların əksəriyyəti bunu başa düşür, lakin bu, heç bir şey etməməklə avtomatik olaraq münaqişə və qarşıdurmadan qaça biləcəyimizi ifadə etmir, deyə diplomat vurğulayıb.
Keçmiş səfir deyib ki, sadəcə olaraq fəaliyyətsiz qalmaq olmaz. Onun fikrincə, əgər “orada uzanıb heç nə etməsəniz, çox güman ki, ən az gözlədiyiniz şey baş verəcək”.
Qeyd edək ki, bunadan əvvəl Çin Xarici İşlər Nazirliyi Çin və ABŞ rəhbərləri arasında görüşün təşkilində çətinliklərin olacağını proqnozlaşdırıb. Nazir Van İnin sözlərinə görə, San-Fransiskoda Co Bayden və Si Cinpinq arasında dialoqa hazırlıq hamar olmayacaq.
Poliqon.info