Fələstinin HƏMAS radikal hərəkatı İsrailin zərbələri nəticəsində Qəzza zolağında iki yüksək vəzifəli üzvünün öldüyünü bildirib...
Poliqon xəbər verir ki, bu barədə bəyanat hərəkatın rəsmi Telegram kanalında yerləşdirilib.
“HƏMAS Fələstin xalqına, İslam ümmətinə və dünyanın bütün azad insanlarına müraciət edərək, hərəkatın məhkəmə sisteminin rəhbəri doktor Taysir İbrahim və Qəzzadan olan vaiz doktor Vail əz-Zərdanın vəfatını elan edir”, deyə bəyanatda bildirilir.
Qeyd edək ki, İsrail qırıcıları HƏMAS-ın qərargahına və “İslami Cihad” təşkilatının obyektlərinə davamlı olaraq zərbələr endirir
Taysir İbrahim oktyabrın 11-də binası İsrail Müdafiə Qüvvələri tərəfindən dağıdılan Qəzza İslam Universitetinin İslam hüququ fakültəsinə rəhbərlik edib. Vail əl-Zərd “Qəzza Həyata Layiqdir” Xeyriyyə Təşkilatına rəhbərlik edib, anklavda İslam təbliğatçısı kimi fəaliyyət göstərib və HƏMAS-da tanınmış dini ictimai xadim olub. Onun İsrailin zərbələri nəticəsində ölməsi barədə oktyabrın 13-də “Əl Ərəbiyyə” telekanalı məlumat yayıb.
Poliqon.info